1
И беше, по смртта на Мојсеј, слугата на Јехова, по што Јехова му рече на Навиновиот син Исус,(Јошуа) служителот на Мојсеј, велејќи му,
2
Мојсеј, Мојот слуга, е мртов; и сега стани, премини преку овој Јордан, ти и сиот овој народ, во земјата која им ја давам, на синовите на Израел.
3
Секое место на кое ќе стапне стапалото на твојата нога, тебе ти го дадов, како што му зборував на Мојсеј.
4
Од дивината и овој Либан, и до големата река, реката Еуфрат, целата земја на Хетите, и до големото море кон заоѓањето на сонцето, ќе биде вашата граница.
5
Ниту еден човек нема да застане пред тебе сите денови на твојот живот; како што бев со Мојсеј, ќе бидам со тебе; нема да те оставам, ниту да те напуштам.
6
Биди цврст и имај храброст, зашто ти ќе направиш овој народ да ја наследи земјата, која им ја ветив на нивните татковци да им ја дадам.
7
Само биди цврст и многу храбар, да внимаваш да правиш според сè што е од законот, кој Мојсеј, Мојот слуга, ти го заповеда; не се одвраќај од него ниту на десно, ниту на лево, за да имаш разумност во сите патишта по кои одиш.
8
Книгата на овој закон нема да се оддалечи од твојата уста, туку ќе размислуваш за неа ден и ноќ, за да внимаваш да правиш според сè што е напишано во неа; зашто тогаш ќе го направиш твојот пат да напредува, и тогаш ќе имаш разумност.
9
Зарем не ти заповедав? Биди цврст и имај храброст; не плаши се, ниту се ужасувај; зашто Јехова, твојот Бог, е со тебе, во сите патишта по кои одиш.
10
И Исус им заповеда на службениците на народот, велејќи,
11
Поминувајте низ таборот и заповедете на народот, велејќи: Подгответе си провизии; зашто уште три дена ќе преминете преку овој Јордан, за да влезете и да ја поседувате земјата, која Јехова, вашиот Бог, ви ја дава да ја поседувате.
12
И на Рувимецот и на Гадецот, и на половината племе на Манасија, им рече Исус Навин, велејќи,
13
И запомнете го зборот што Мојсеј, слугата на Јехова, ви го заповеда, велејќи, Јехова, вашиот Бог, ви дава одмор, и ќе ви ја даде оваа земја.
14
Вашите жени, вашите деца и вашата стока, ќе живеат во земјата која Мојсеј ви ја даде преку Јордан; но вие ќе преминете вооружени до петта пред вашите браќа, сите силни луѓе на сила, и ќе им помогнете;
15
додека Јехова не им даде одмор на вашите браќа, како што ви даде вам, и додека и тие не ја поседуваат земјата која Јехова, вашиот Бог, им ја дава; тогаш ќе се вратите во земјата на вашиот посед, и ќе ја поседувате, која Мојсеј, слугата на Јехова, ви ја даде преку Јордан кон изгрејсонце.
16
И тие му одговорија на Исус, велејќи: Сè што ни заповедаш, ќе направиме, и на секое место каде што ќе нè испратиш, ќе одиме.
17
Како што во сè го слушавме Мојсеј, така ќе те слушаме и тебе; само Јехова, твојот Бог, нека биде со тебе, како што беше со Мојсеј.
18
Секој човек кој ќе се побуни против твојата заповед и нема да ги слуша твоите зборови, за сè што му заповедаш, ќе биде убиен; само биди цврст и имај храброст.
